ଜୟପୁର,୧୩ା୩: ରାଜସ୍ଥାନର ଦୌସା ଜିଲାରେ ହୋଲି ପୂର୍ବରୁ ରଙ୍ଗ ଲଗାଇବାକୁ ତିନି ଜଣ ବ୍ୟକ୍ତିଙ୍କୁ ବାରଣ କରିବାରୁ ଜଣେ ୨୫ ବର୍ଷୀୟ ଯୁବକଙ୍କୁ ଗଳାକାଟି ହତ୍ୟା କରାଯାଇଥିବା ଅଭିଯୋଗ ହୋଇଥିବା ପୋଲିସ କହିଛି।
ବୁଧବାର ସନ୍ଧ୍ୟାରେ ରାଲୱାସ ଗ୍ରାମରେ ଏହି ଘଟଣା ଘଟିଥିବା ବେଳେ ଅଶୋକ, ବବଲୁ ଏବଂ କାଲୁରାମ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ହଂସରାଜଙ୍କ ଉପରେ ରଙ୍ଗ ଲଗାଇବାକୁ ଏକ ସ୍ଥାନୀୟ ପାଠାଗାରରେ ପହଞ୍ଚିଥିଲେ ବୋଲି ଅଧିକାରୀମାନେ କହିଛନ୍ତି।
ହଂସରାଜ ରଙ୍ଗ ଲଗାଇବାକୁ ମନା କରିବାରୁ, ତିନି ଜଣ ତାଙ୍କୁ ଲାତ ମାରି ବେଲ୍ଟରେ ପିଟିଥିଲେ, ଏତିକିବେଳେ ସେମାନଙ୍କ ମଧ୍ୟରୁ ଜଣେ ତାଙ୍କୁ ଗଳାକାଟି ହତ୍ୟା କରିଥିବା, ଅତିରିକ୍ତ ପୋଲିସ ଅଧୀକ୍ଷକ (ଏଏସ୍ ପି) ଦିନେଶ ଅଗ୍ରୱାଲ କହିଛନ୍ତି।
ପରେ କ୍ରୋଧିତ ପରିବାର ସଦସ୍ୟ ଏବଂ ଗ୍ରାମବାସୀମାନେ ହଂସରାଜଙ୍କ ମୃତଦେହ ସହିତ ପ୍ରତିବାଦ କରିଥିଲେ, ସେହି ଅଞ୍ଚଳରେ ଏକ ଜାତୀୟ ରାଜପଥ ଅବରୋଧ କରିଥିଲେ ଯାହା ଗୁରୁବାର ରାତି ୧ ଟା ପର୍ଯ୍ୟନ୍ତ ଜାରି ରହିଥିଲା।
ପ୍ରତିବାଦକାରୀମାନେ ହଂସରାଜଙ୍କ ପରିବାରକୁ ୫୦ ଲକ୍ଷ ଟଙ୍କା କ୍ଷତିପୂରଣ, ପରିବାରର ଜଣେ ସଦସ୍ୟଙ୍କୁ ସରକାରୀ ଚାକିରି ଏବଂ ଅଭିଯୁକ୍ତ ତିନି ଜଣଙ୍କୁ ତୁରନ୍ତ ଗିରଫ କରିବା ଦାବି କରିଥିଲେ।ପୋଲିସ ପ୍ରତିଶ୍ରୁତି ପରେ ଶେଷରେ ଶବ ରାଜପଥରୁ ହଟାଇ ଦିଆଯାଇଥିଲା।