ଅପରାହ୍ନ ୫ଟା ସୁଦ୍ଧା ସା.ଢେ ତିନି ଲକ୍ଷ ଶ୍ରଦ୍ଧାଳୁ ଶ୍ରୀଜିଉଙ୍କ ଦର୍ଶନ କରିଥିବା ପୁରୀ ପୁଲିସ ପକ୍ଷରୁ ସୂଚନା ମିଳିଛି। ଆଜି ସଅଳ ନୀତିକାନ୍ତି ସରିବା ପରେ ରାତି ଦେଢ଼ଟାରୁ ସର୍ବସାଧାରଣ ପାଇଁ ଖୋଲିଥିଲା ସିଂହ ଦ୍ୱାର।
ସିଂହ ଦ୍ୱାର ଖୋଲିବା ପରଠାରୁ ଶ୍ରୀଜିଉଙ୍କ ଦର୍ଶନ ପାଇଁ ଭକ୍ତଙ୍କ ଭିଡ଼ ଦେଖିବାକୁ ମିଳିଛି। ଶ୍ରୀଜୀଉଙ୍କ ଶୃଙ୍ଖଳିତ ଦର୍ଶନ ଲାଗି ଶ୍ରୀମନ୍ଦିର ପ୍ରଶାସନ ପକ୍ଷରୁ ମଧ୍ୟ କରାଯାଇଛି ବ୍ୟାପକ ବ୍ୟବସ୍ଥା।
ନୂଆ ବ୍ୟାରିକେଡ୍ ଦେଇ ଶ୍ରୀମନ୍ଦିରରେ ପ୍ରବେଶ କରୁଛନ୍ତି ଶ୍ରଦ୍ଧାଳୁ। ସେହିପରି ଆଜିଠାରୁ ଶ୍ରୀମନ୍ଦିରରେ ଲାଗୁ ହୋଇଛି ନୂଆ ନିୟମ। ଶାଳିନତାପୂର୍ଣ୍ଣ ବସ୍ତ୍ର ପରିଧାନ କରି ଶ୍ରଦ୍ଧାଳୁ ଆସିଛନ୍ତି।
ସେହିପରି ମନ୍ଦିର ପରିସରକୁ ଗୁଟଖା କିମ୍ବା ପାନ ମନା ହୋଇଛି। ଯଦି କେହି ଧରାପଡ଼େ ତେବେ କଡ଼ା କାର୍ଯ୍ୟାନୁଷ୍ଠାନ ନିଆଯିବ।