ଆଜି ସକାଳେ ପଶ୍ଚିମବଙ୍ଗ ନମ୍ବର ଥିବା ଏକ କଣ୍ଟେନରରେ ଶତାଧିକ ଗୋରୁ ଚାଲାଣ ହେଉଥିଲେ। ବିଶିମୁଣ୍ଡା ଛକରେ ଗୋରୁ ବୋଝେଇ କଣ୍ଟେନରଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଅନେକ ଗୋରୁ ଗାଡ଼ି ତଳେ ଚାପି ହୋଇ ଯାଇଥିବାବେଳେ ୨୦ରୁ ଅଧିକ ଗୋରୁଙ୍କର ମୃତ୍ୟୁ ଘଟିଛି। ସୋନପୁର ପୁର ପୁଲିସ ଓ ସ୍ଥାନୀୟ ଲୋକେ ଗୋରୁଙ୍କୁ ଉଦ୍ଧାର କରିଥିଲେ।
ଦୁର୍ଘଟଣା ପରେ କଣ୍ଟେନର ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିଲା। ପୁଲିସ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି।