ଯୋଧପୁର ଜେଲ୍ରେ ଆଜୀବନ କାରାଦଣ୍ଡ ଭୋଗୁଥିବା ଆଶାରାମ ବାପୁଙ୍କୁ ହାଇକୋର୍ଟରୁ ଆଶ୍ୱସ୍ତି ମିଳିଛି। ଆଶାରାମ ଦୀର୍ଘ ଦିନରୁ ନିଜ ଚିକିତ୍ସାକୁ ନେଇ ଚିନ୍ତିତ ଥିଲେ। ଆଶାରାମଙ୍କ ପକ୍ଷରୁ ଆୟୁର୍ବେଦ ଉପଚାର ପାଇଁ କୋର୍ଟରେ ଏକ ପିଟିସନ ଦାଖଲ କରାଯାଇଥିଲା। ଏହି ଆବେଦନ ଉପରେ କୋର୍ଟ ଆଶାରାମଙ୍କୁ ଚିକିତ୍ସା ପାଇଁ ଅନୁମତି ଦେଇଛନ୍ତି। ଆଶାରାମଙ୍କୁ ଜେଲରେ ହିଁ ଆୟୁର୍ବେଦିକ ଚିକିତ୍ସା ମିଳିବ।
ଯୋଧପୁର ଜେଲରେ ଦଣ୍ଡ ଭୋଗୁଥିବା ଆଶାରାମଙ୍କୁ ୮୫ ବର୍ଷ ବୟସ। ସେ ମଧ୍ୟ ଅନେକ ରୋଗରେ ପୀଡିତ ଅଛନ୍ତି, ଯେଉଁ କାରଣରୁ ତାଙ୍କର ଆୟୁର୍ବେଦ ଚିକିତ୍ସା ପାଇଁ କୋର୍ଟରେ ପିଟିସନ ଦାଖଲ କରାଯାଇଥିଲା। ଏହାକୁ କୋର୍ଟ ଅନୁମୋଦନ କରିଛନ୍ତି।
ଆଶାରାମଙ୍କ ଚିକିତ୍ସା ପାଇଁ ଆୟୁର୍ବେଦିକ ବିଶ୍ୱବିଦ୍ୟାଳୟର କୁଳପତିଙ୍କ ସହଯୋଗ ଲୋଡ଼ିବାକୁ କୋର୍ଟ ଜେଲ୍ ଅଧୀକ୍ଷକଙ୍କୁ ନିର୍ଦ୍ଦେଶ ଦେଇଛନ୍ତି।