ଇଡି ଅଧିକାରୀମାନେ କମ୍ପାନୀର ନିର୍ଦ୍ଦେଶକ, ମ୍ୟାନେଜର ଏବଂ କର୍ମଚାରୀଙ୍କ ଘରୁ ୧୦୦, ୨୦୦ ଏବଂ ୫୦୦ ଟଙ୍କିଆ ନୋଟ୍ ଜବତ କରିଛନ୍ତି। ଠକେଇ କାରବାର ସମ୍ବନ୍ଧୀୟ ଅନେକ କାଗଜପତ୍ର ଓ ବ୍ୟାଙ୍କ ପାସ୍ ବୁକ୍ ମଧ୍ୟ ଜବତ କରାଯାଇଛି। ଇଡି ଦିଲ୍ଲୀର ଏହି କମ୍ପାନୀ ସହ ଜଡିତ ସମ୍ପତ୍ତି ଉପରେ ଅଧିକ ଅନୁସନ୍ଧାନ ଜାରି ରଖିଛି ।
ଇଡି ଅନୁଯାୟୀ, ଗୋଲଡେନଲ୍ୟାଣ୍ଡ ଡେଭଲପର୍ସ ଲିମିଟେଡ ଓଡ଼ିଶା ଓ ଅନ୍ୟ ରାଜ୍ୟର ହଜାର ହଜାର ନିବେଶକଙ୍କ ଜମା ଉପରେ ଅଧିକ ରିଟର୍ଣ୍ଣ ଦେବାର ପ୍ରତିଶ୍ରୁତି ଦେଇ ଠକେଇ କରିଛି।
କମ୍ପାନୀ ବିରୋଧରେ ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ (ପିଏମ୍ଏଲ୍ଏ) ଅନୁଯାୟୀ ୬ଟି ମାମଲା ରୁଜୁ ହୋଇଛି। ଅଭିଯୁକ୍ତଙ୍କ ସମ୍ପତ୍ତି ଏବଂ ଟଙ୍କା ଠାବ କରିବା ପାଇଁ ଇଡି ଅନ୍ୟ ଏଜେନ୍ସି ସହିତ ମଧ୍ୟ ଯୋଗାଯୋଗରେ ଅଛି।