ସେପଟେ ଜାପାନରେ ଥିବା ଆଣବିକ ଶକ୍ତି କେନ୍ଦ୍ରର ସୁରକ୍ଷାକୁ ନେଇ ଲୋକେ ଭୟଭୀତ ହୋଇପଡିଛନ୍ତି । ୨୦୧୧ ରେ ଭୂମିକମ୍ପ ପରେ ଫୁକୁସିମା ପରମାଣୁ ପ୍ଲାଣ୍ଟର କ୍ଷୟକ୍ଷତି ପରେ ବ୍ୟାପିଥିବା ବିକିରଣର ସ୍ମୃତି ଏବେ ବି ସତେଜ ରହିଛି । ଜାପାନରେ ପୁଣି ଥରେ ସମାନ ପରିସ୍ଥିତି ଉପୁଜିପାରେ ବୋଲି ଆଶଙ୍କା କରାଯାଉଛି। ତେବେ ଆଶ୍ବସ୍ତିର କଥା ହେଉଛି ଏପର୍ଯ୍ୟନ୍ତ କୌଣସି ପରମାଣୁ ଶକ୍ତି କେନ୍ଦ୍ର କ୍ଷତିଗ୍ରସ୍ତ ହୋଇନଥିବା ଜାପାନ ସରକାର ସ୍ପଷ୍ଟ କରିଛନ୍ତି । ଜାପାନର ମୁଖ୍ୟ କ୍ୟାବିନେଟ୍ ସେକ୍ରେଟାରି ହୟାସି ୟୋସିମାସା କହିଛନ୍ତି ଯେ ପରମାଣୁ ଶକ୍ତି କେନ୍ଦ୍ରଗୁଡ଼ିକ ସୁରକ୍ଷିତ ଅଛନ୍ତି ।
ଟୋକିଓ ଇଲେକ୍ଟ୍ରିକ୍ ପାୱାର କମ୍ପାନି (ଟେପ୍କୋ) ପକ୍ଷରୁ କୁହାଯାଇଛି ଯେ ନିଗାଟାରେ ଥିବା ବିଶ୍ୱର ସର୍ବବୃହତ ପରମାଣୁ ଶକ୍ତି କେନ୍ଦ୍ର କାଶୀୱାଜାକି-କାରିୱା ନିକଟରେ ୦.୪ ମିଟର (ପ୍ରାୟ ୧.୩ ଫୁଟ) ଉଚ୍ଚତାର ଲହରୀ ରେକର୍ଡ କରାଯାଇଛି। ତେବେ ବର୍ତ୍ତମାନ କୌଣସି ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇନାହିଁ ବୋଲି ଫୁକୁଇ ପ୍ରିଫେକ୍ଚର ସେଫ୍ଟି କମିଟି କହିଛି ।