ପାକିସ୍ତାନ କ୍ରିକେଟ ବୋର୍ଡ ଅଧ୍ୟକ୍ଷ ଜାକା ଅଶରଫ ଭାରତକୁ ଶତ୍ରୁ ରାଷ୍ଟ୍ର ବୋଲି ବର୍ଣ୍ଣନା କରିଛନ୍ତି । ଏହି କାରଣରୁ ବୋର୍ଡକୁ ବିଭିନ୍ନ ମହଲରୁ ସମାଲୋଚନା କରାଯାଉଛି। ପାକିସ୍ତାନର ସାମ୍ବାଦିକଙ୍କ ସମେତ ସେଠାକାର ଲୋକମାନେ ମଧ୍ୟ ଗୋମାଂସ ମାମଲାକୁ ଅନାବଶ୍ୟକ ବୋଲି କହିଛନ୍ତି। ପାକିସ୍ତାନୀ ସାମ୍ବାଦିକ ଆର୍ଫା ଫିରୋଜ ଏକ୍ସରେ ଲେଖିଛନ୍ତି, ‘ପିସିବି ଦ୍ୱାରା ପାକିସ୍ତାନ ଆସୁଥିବା ଅଣ-ମୁସଲିମ କ୍ରିକେଟରଙ୍କୁ ଗୋମାଂସ ବା ଘୁଷୁରି ମାଂସ ଦିଆଯାଉଛି କି? ପାକିସ୍ତାନ କ୍ରିକେଟ୍ ଦଳକୁ ଗୋମାଂସ ନ ମିଳିବା ଉପରେ ପ୍ରଶ୍ନ ଉଠାଇବା ଭୁଲ୍। ଭ୍ରମଣକାରୀ ଦେଶମାନେ ଆୟୋଜକଙ୍କ ସଂସ୍କୃତି ଓ ପରମ୍ପରାକୁ ସମ୍ମାନ ଦେବା ଉଚିତ। ଏହା ଅଯଥା କଥା। ଅନ୍ୟ ଜଣେ ଲେଖିଛନ୍ତି ଯେ ପ୍ରତ୍ୟେକ ଦେଶର ନିଜସ୍ୱ ସଂସ୍କୃତି ରହିଛି। ସମସ୍ତେ ଅନ୍ୟର ମୂଲ୍ୟ ପ୍ରତି ଯତ୍ନବାନ ହେବା ଉଚିତ୍ ।
ଭାରତର ଅନେକ ରାଜ୍ୟରେ ଗୋମାଂସ ନିଷିଦ୍ଧ । ଏଭଳି ସ୍ଥିତିରେ ବିଶ୍ବକପରେ ପ୍ରବେଶ କରୁଥିବା କୌଣସି ଦଳକୁ ଗୋମାଂସ ଦିଆଯିବ ନାହିଁ।