କୋରାପୁଟ: ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟ ପକ୍ଷରୁ ୨୦୨୩ ଏପ୍ରିଲ ୨୭ ତାରିଖରେ କୋରାପୁଟ ଜିଲ୍ଲା ସୁନାବେଡ଼ାସ୍ଥିତ ପରିସରରେ ଆଦି ଗୁରୁ ଶଙ୍କରାଚାର୍ଯ୍ୟଙ୍କ ୧୨୩୫ତମ ଜୟନ୍ତୀ ବିଶ୍ୱବିଦ୍ୟାଳୟର ଭାଷା ବିଦ୍ୟାଳୟ ଆନୁକୂଲ୍ୟରେ ପାଳିତ ହୋଇଯାଇଛି। ଏହି ଅବସରରେ ବିଶ୍ୱବିଦ୍ୟାଳୟର ମାନ୍ୟବର କୁଳପତି ପ୍ରଫେସର ଚକ୍ରଧର ତ୍ରିପାଠୀ ଶୁଭେଚ୍ଛା ଜଣାଇବ ସହ ତାଙ୍କ ବାର୍ତ୍ତାରେ କହିଥିଲେ ଯେ ଜଗଦ୍ ଗୁରୁ ଶଙ୍କରାଚାର୍ଯ୍ୟ ଭାରତର ସାଂସ୍କୃତିକ ଚେତନାର ପ୍ରତୀକ। ସେ ଥିଲେ ଭଗବାନ ଶିବଙ୍କ ଅବତାର। ହିନ୍ଦୀର ଅତିଥି ପ୍ରଫେସର ହେମରାଜ ମୀନା କୁଳପତିଙ୍କ ବାର୍ତ୍ତାକୁ ସଂକ୍ଷିପ୍ତ ଢଙ୍ଗରେ ପାଠ କରିଥିଲେ। ଏକାଡେମିକ୍ ଓ ପ୍ରଶାସନ ଉପଦେଷ୍ଟା ପ୍ରଫେସର ସୁଧେନ୍ଦୁ ମଣ୍ଡଲ ମୁଖ୍ୟ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀ ଓ ଅଧ୍ୟାପକମାନଙ୍କୁ ସମ୍ବୋଧିତ କରିଥିଲେ। ଶଙ୍କରାଚାର୍ଯ୍ୟଙ୍କ ଭଳି ସନ୍ଥଙ୍କ ଦ୍ୱାରା ଭାରତ ଗର୍ବିତ ବୋଲି ସେ ମତ ବ୍ୟକ୍ତ କରିଥିଲେ । ଛାତ୍ରଛାତ୍ରୀମାନେ ସେମାନଙ୍କ ଜ୍ଞାନରୁ ଉପକୃତ ହେବା ଉଚିତ ବୋଲି ସେ ତାଙ୍କ ଅଭିଭାଷଣରେ କହିଥିଲେ।
କାର୍ଯ୍ୟକ୍ରମରେ ଅଧ୍ୟକ୍ଷତା କରି ଭାଷା ଅଧ୍ୟାପକ ଡ. ଏନ୍ ସି ପଣ୍ଡା କହିଥିଲେ ଯେ, ଶଙ୍କରାଚାର୍ଯ୍ୟ ଅଦ୍ବୈତ ଦର୍ଶନର ପ୍ରତିଷ୍ଠାତା ଥିଲେ। ତାଙ୍କ ଦର୍ଶନ ହେଉଛି ବ୍ରହ୍ମ ସତ ଓ ଜଗତ ମିଥ୍ୟା । ସେ ଭାରତର ଚାରି ଦିଗରେ ୪ଟି ମଠ ପ୍ରତିଷ୍ଠା କରିଥିଲେ, ଯାହା କି ଜ୍ଞାନର ପ୍ରତୀକ । ଉତ୍ତରରେ ବଦ୍ରିନାଥ, ଦକ୍ଷିଣରେ ଶ୍ରୀଙ୍ଗେରୀ, ପୂର୍ବରେ ଜଗନ୍ନାଥ ପୁରୀ ଓ ପଶ୍ଚିମରେ ଦ୍ୱାରକା ପୀଠ। ଏହି ଚାରିଟି ପୀଠ ସାଂସ୍କୃତିକ ଏକତା ଏବଂ ଭାରତର ଜ୍ଞାନର ପ୍ରତୀକ।
ହିନ୍ଦୀ ବିଭାଗର ଅତିଥି ପ୍ରଫେସର ଡ. ଜଙ୍ଗ ବାହାଦୁର ପାଣ୍ଡେ ଏହି ଅବସରରେ ବିଦ୍ୟାର୍ଥୀ ମାନଙ୍କୁ ସମ୍ବୋଧିତ କରିଥିଲେ। ସେ କହିଥିଲେ ଯେ ଦେଶର ତିନି ଜଣ ସତି, ସାଧୁ ଓ ବୀର ହେଉଛି ଭାରତର ଗୌରବ । ସତୀ, ସାଧୁ ଏବଂ ସାହସୀ ବ୍ୟକ୍ତି ଯିଏ ଭାରତକୁ ବିଶ୍ୱ ନେତା ରେ ପରିଣତ କରିଥିଲେ । ଏପରି ଜଣେ ମହାନ ଜ୍ଞାନୀ ସନ୍ଥ ହେଉଛନ୍ତି ଆଦି ଗୁରୁ ଶଙ୍କରାଚାର୍ଯ୍ୟ, ଯିଏ ୭୮୮ ଖ୍ରୀଷ୍ଟାବ୍ଦରେ କେରଳ ପ୍ରଦେଶର କାଲଡି ଗ୍ରାମର ଏକ ବ୍ରାହ୍ମଣ ପରିବାରରେ ଜନ୍ମ ଗ୍ରହଣ କରିଥିଲେ ଏବଂ ୮୨୦ ମସିହାରେ ହଠାତ୍ ମୃତ୍ୟୁବରଣ କରିଥିଲେ । ମାତ୍ର ୩୨ ବର୍ଷ ବୟସରେ ସେ ଭାରତକୁ ଆଧ୍ୟାତ୍ମିକ କ୍ଷେତ୍ରରେ ଏକ ଖ୍ୟାତି ଦେଇଥିଲେ ।
ଡ. ରାଣୀ ସିଂ ଏହି ଅବସରରେ ନିଜର ମତାମତ ମଧ୍ୟ ପ୍ରକାଶ କରିଥିଲେ। ଏହି ଅବସରରେ ଡ ସୌରଭ ଗୁପ୍ତା, ଡ. ଏସ୍.ବି.ବାଗଚୀ, ଡ. ସତ୍ୟନାରାୟଣ ସର୍ଗି, ଡ. ଆଲୋକ ବରାଳ, ଡ. ଗଣେଶ ସାହୁ, ଡାକ୍ତର ପ୍ରଦୋଷ, ଡ. ଜୟନ୍ତ କୁମାର ନାୟକ, ଡ. ଫଗୁନାଥ ଭୋଇ, ଡ. ଦୁଲୁମଣି ତାଲୁକଦାର, ଡାକ୍ତର ସୌମ୍ୟରଞ୍ଜନ ଦାଶ, ଡ. ଆପ୍ପା ସାହେବ, ସୁରେଶ ଗୁପ୍ତା ପୁରୁଷୋତ୍ତମ ସାହୁ ପ୍ରମୁଖ ଛାତ୍ରଛାତ୍ରୀ ଓ ଅଧ୍ୟାପକଙ୍କ ସହ ଉପସ୍ଥିତ ଥିଲେ। ଡ. ଚକ୍ରପାଣି ଏହି କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ, ଡ. ଶ୍ରୀନିବାସନ ସ୍ୱାଇଁ ସ୍ୱାଗତ ଭାଷଣ ପ୍ରଦାନ କରିଥିଲେ । ଡ. ବୀରେନ୍ଦ୍ର କୁମାର ଷଡ଼ଙ୍ଗୀ ଧନ୍ୟବାଦ ଅର୍ପଣ କରିଥିଲେ ।
