ଫୁଲବାଣୀ: କନ୍ଧମାଳ ଜିଲ୍ଲା ଫୁଲବାଣୀ ସଦର ଥାନା ଅନ୍ତର୍ଗତ ସୁଡ୍ରେଜୁ ନିକଟସ୍ଥ କ୍ରାଣ୍ଡିମାସ୍କାଠାରେ ଏକ ଗାଡ଼ି ଧକ୍କାରେ ୨ ବାଇକ୍ ଆରୋହୀଙ୍କ ସମେତ ୨ ଗୋରୁଙ୍କର ମୃତ୍ୟୁ ଘଟିଛି। ଧକ୍କା କରିଥିବା ଗାଡ଼ିର ପତ୍ତା ଏଯାଏଁ ମିଳିପାରିନାହିଁ। ଗତକାଲି (ମଙ୍ଗଳବାର) ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିଲା। ରାତି ପ୍ରାୟ ୧୨ଟା ସମୟରେ ଏକ ଗାଡ଼ି ଫୁଲବାଣୀରୁ ବୌଦ୍ଧ ରାସ୍ତାର ସୁଡ୍ରେଜୁ ପଞ୍ଚାୟତ କାର୍ଯ୍ୟାଳୟଠାରୁ କିଛି ଦୂର କ୍ରାଣ୍ଡିମାସ୍କା ନିକଟରେ ଏକ ବାଇକ୍କୁ ଧକ୍କା ଦେଇଥିଲା। ଗାଡ଼ିଟି ଏତେ ଦ୍ରୁତ ଗତିରେ ଥିଲାଯେ, ବାଇକ୍କୁ ଧକ୍କା ଦେବା ପରେ ସାମାନ୍ୟ ଆଗକୁ ରାସ୍ତା ଉପରେ ଶୋଇଥିବା ୨ଟି ଗୋରୁ ଉପରେ ମଧ୍ୟ ଚଢ଼ିଯାଇଥିଲା।