ପାଣିପାଗ ବିଶେଷଜ୍ଞ ବିଶ୍ୱଜିତ୍ ସାହୁଙ୍କ କହିବା ଅନୁଯାୟୀ, ମୌସୁମୀ ବାୟୁ ଆଗମନ ପୂର୍ବରୁ ସମୁଦ୍ରର ତାପମାତ୍ରା ଓ ଅନ୍ୟାନ୍ୟ କାରକଗୁଡ଼ିକ ବାତ୍ୟା ସୃଷ୍ଟି ପାଇଁ ବେଶ୍ ସହାୟକ ହୋଇଥାଏ। ଅତୀତରେ ମଧ୍ୟ ମେ’ ମାସରେ ଅନେକ ପ୍ରଳୟଙ୍କରୀ ବାତ୍ୟା ଆସିବାର ନଜିର ରହିଛି। ୨୦୧୯: ବାତ୍ୟା ଫୋନି, ୨୦୨୦: ବାତ୍ୟା ଅମ୍ଫାନ, ୨୦୨୧: ବାତ୍ୟା ୟସ୍, ୨୦୨୩: ବାତ୍ୟା ମୋକା ।
ସାଧାରଣତଃ ଏହି ସମୟରେ ସୃଷ୍ଟି ହେଉଥିବା ବାତ୍ୟାଗୁଡ଼ିକ ପୂର୍ବ ଉପକୂଳ ଅର୍ଥାତ୍ ଆନ୍ଧ୍ରପ୍ରଦେଶରୁ ବାଙ୍ଗଲାଦେଶ ମଧ୍ୟରେ ସ୍ଥଳଭାଗ ଛୁଇଁଥାନ୍ତି।
GFS ମଡେଲ୍ ବାତ୍ୟା ସମ୍ଭାବନା ନେଇ ଆକଳନ କରୁଥିଲେ ସୁଦ୍ଧା, ଭାରତୀୟ ପାଣିପାଗ ବିଭାଗ (IMD) ଏପର୍ଯ୍ୟନ୍ତ କୌଣସି ଆଧିକାରିକ ସୂଚନା ଦେଇନାହିଁ। ସାଧାରଣତଃ IMD କୌଣସି ସିଷ୍ଟମ ସୃଷ୍ଟି ହେବାର କିଛି ଦିନ ପୂର୍ବରୁ ହିଁ ସଠିକ୍ ପୂର୍ବାନୁମାନ ଜାରି କରିଥାଏ।