ଅଗଷ୍ଟ ୨୧ ରେ ବିଶେଷଜ୍ଞମାନଙ୍କ ମାନସମନ୍ଥନ ଓ ସେମିନାର
ଭୁବନେଶ୍ୱର : ଆଜି ଭୁବନେଶ୍ୱରର ଗୀତଗୋବିନ୍ଦ ସଦନ କନଫରେନ୍ସ ହଲ୍ରେ ଆୟୋଜିତ ଏକ ଗୁରୁତ୍ୱପୂର୍ଣ୍ଣ ସାମ୍ବାଦିକ ସମ୍ମିଳନୀ ରେ ନାଗରିକ ସମାଜ, ବରିଷ୍ଠ ନାଗରିକ, ବରିଷ୍ଠ ସାମ୍ବାଦିକ, ମହିଳା ଅଧିକାର କର୍ମୀ, ଏବଂ ଅଭିଭାବକମାନେ ଏକତ୍ରିତ ହୋଇ ଓଡ଼ିଶାରେ ଯୁବତୀ ଓ ମହିଳାଙ୍କ ମଧ୍ୟରେ ବୃଦ୍ଧି ପାଉଥିବା ଆତ୍ମାହୁତି ପ୍ରବୃତ୍ତି ଏବଂ ଅସମ୍ବେଦନଶୀଳ ଓ ସମ୍ବେଦନଶୀଳ ଗଣମାଧ୍ୟମ ରିପୋର୍ଟିଂ ଦ୍ୱାରା ଏହାର ଗମ୍ଭୀରତାକୁ ସମ୍ବୋଧନ କରିଥିଲେ।
ବକ୍ତାମାନେ ଉଲ୍ଲେଖ କରିଥିଲେ ଯେ ଆତ୍ମାହୁତି ପ୍ରବୃତ୍ତି—ଯାହା ପ୍ରାୟତଃ ସୋସିଆଲ ମିଡିଆରେ ଭାଇରାଲ ଟ୍ରେଣ୍ଡ, ସାଙ୍ଗସାଥୀଙ୍କ ଚାପ, ଏବଂ ସମାଜର ଅପେକ୍ଷା ଦ୍ୱାରା ପରିଚାଳିତ—ଯୁବତୀମାନଙ୍କ ମଧ୍ୟରେ ଗମ୍ଭୀର ମାନସିକ ଚାପ ଓ ଦୀର୍ଘକାଳୀନ ମନୋବୈଜ୍ଞାନିକ କ୍ଷତି ସୃଷ୍ଟି କରୁଛି। ଅସମ୍ବେଦନଶୀଳ ଗଣମାଧ୍ୟମ ରିପୋର୍ଟିଂ ଏହି ସମସ୍ୟାକୁ ଆହୁରି ଗମ୍ଭୀର କରୁଛି, ସମ୍ବେଦନଶୀଳ ଶିରୋନାମା ଓ ନିନ୍ଦାତ୍ମକ ବିବରଣୀ କ୍ଷତିକାରକ ଆଚରଣକୁ ସାଧାରଣୀକରଣ କରୁଛି, ଆତ୍ମ-ସମ୍ମାନ ହ୍ରାସ କରୁଛି, ଏବଂ ବ୍ୟକ୍ତିଗତ ଗୌରବକୁ ହାନି ପହଞ୍ଚାଉଛି ଯାହା ରାଜ୍ୟରେ ଯୁବତୀମାନଙ୍କର ମାନସିକ ସ୍ୱାସ୍ଥ୍ୟ ଓ ସମ୍ମାନ ଉପରେ ଗଭୀର ପ୍ରଭାବ ପକାଇ ଦିଗହରା ଭାବରେ ଆତ୍ମାହୁତି ପ୍ରବୃତ୍ତି କୁ ଆପଣେଇନେଉଛନ୍ତି II
ଏହି ସମସ୍ୟା ଉପରେ ବିଭିନ୍ନ ସାମାଜିକ ଚିନ୍ତାଶୀଳ ବ୍ୟକ୍ତି ଓ ବୃତ୍ତିଗତ ବିଶେଷଜ୍ଞମାନଙ୍କଠାରୁ ଅଧିକ ପରାମର୍ଶ ଓ ଧାରଣା ସଂଗ୍ରହ ପାଇଁ , ଗଣମାଧ୍ୟମମାନଙ୍କୁ ନୈତିକ ରିପୋର୍ଟିଂ ଏବଂ ସମ୍ବେଦନଶୀଳତା ଉପରେ ପରାମର୍ଶ ଏବଂ ନିବେଦନ ନିମନ୍ତେ ଏବଂ ଅପମାନଜନକ ଓ ପ୍ରୋତ୍ସାହିତ ସୃଷ୍ଟିକାରୀ ରିପୋର୍ଟିଂ କୁ ନିରୁତ୍ସାହିତ କରିବା ପାଇଁ ଓ ନିରୀକ୍ଷଣ କରିବା ପାଇଁ ବହୁ-ଅଂଶୀଦାରୀ ଟାସ୍କ ଫୋର୍ସ ଗଠନ ପାଇଁ ଓଡ଼ିଶା ସରକାରଙ୍କୁ ପ୍ରସ୍ତାବ ପ୍ରଦାନ ଉପରେ ସମ୍ମିଳିତ ସହମତ ପାଇଁ ଆସନ୍ତା ଅଗଷ୍ଟ ୨୧ ରେ ବିଶେଷଜ୍ଞମାନଙ୍କ ମାନସମନ୍ଥନ ନିମନ୍ତେ ଭୁବନେଶ୍ୱରରେ ଏକ ରାଜ୍ୟସ୍ତରୀୟ ସେମିନାର ଆୟୋଜନ ନିମନ୍ତେ ନିଷ୍ପତ୍ତି ଗ୍ରହଣ କରାଗଲା ll
ଓଡ଼ିଶା ଅବସରପ୍ରାପ୍ତ ପୋଲିସ ପଦାଧିକାରୀ କଲ୍ୟାଣ ସମିତି, ବୋଉ ଫାଉଣ୍ଡେସନ୍,ରାଜ୍ୟ ବରିଷ୍ଠ ନାଗରିକ ମହିଳା ସଂଘ, ରାଜ୍ୟ ବରିଷ୍ଠ ନାଗରିକ ଫେଡେରେସନ, ମା’ ଘର ଫାଉଣ୍ଡେସନ, ଓଡିଶା ଅଭିଭାବକ ମହାସଂଘ , ଏବଂ ବେଟି ବଚାଓ ଅଭିଯାନ ଦ୍ୱାରା ମିଳିତ ଭାବେ ଆୟୋଜିତ ହୋଇଥିବା ଆଜିର ସାମ୍ବାଦିକ ସମ୍ମିଳନୀ ରେ ଶ୍ରୀ ସୂର୍ଯ୍ୟମଣି ତ୍ରିପାଠୀ, ଶ୍ରୀ ପ୍ରତାପ ରଥ, ଶ୍ରୀ ଅତିଶ ମହାନ୍ତି, ଶ୍ରୀ ମଧୁମାଧବ ଜେନା, ଡାକ୍ତର ସେବା ମହାପାତ୍ର, , ଶ୍ରୀ ସମ୍ପଦ ମହାପାତ୍ର, ଶ୍ରୀ ରବି ଦାସ , ଶ୍ରୀମତୀ କସ୍ତୁରୀ ମହାପାତ୍ର, ଶ୍ରୀମତୀ ଋତୁପର୍ଣ୍ଣା ମହାନ୍ତି,, ଶ୍ରୀ ବାସୁଦେବ ଭଟ୍ଟ, ଏବଂ ଶ୍ରୀମତୀ ଲୋପାମୁଦ୍ରା ମହାନ୍ତି ଙ୍କ ସମେତ ଗଣମାଧ୍ୟମ ସାମ୍ବାଦିକ, ସାମାଜିକ କର୍ମୀ, ମନୋବିଜ୍ଞାନୀ, ଶିକ୍ଷାବିତ୍ ମାନେ ଅଂଶଗ୍ରହଣ କରିଥିଲେ।