ଭୁବନେଶ୍ବର: ଆସାମ ବିଧାନସଭା ନିର୍ବାଚନ ଫଳାଫଳ ବାହାରିବା ପୂର୍ବରୁ ମହାପ୍ରଭୁ ଜଗନ୍ନାଥଙ୍କ ଆଶୀର୍ବାଦ ନେଇଛନ୍ତି ମୁଖ୍ୟମନ୍ତ୍ରୀ ହିମାନତା ବିଶ୍ୱ ଶର୍ମା।
ବୁଧବାର ଓଡ଼ିଶା ଗସ୍ତରେ ଆସି ମହାପ୍ରଭୁଙ୍କ ଦର୍ଶନ କରିଛନ୍ତି ହିମାନତା। ଏହି ସମୟରେ ସେ ଗଣମାଧ୍ୟମକୁ ବୟାନ ଦେଇ ରାହୁଲ ଗାନ୍ଧୀଙ୍କୁ ସମାଲୋଚନା କରିଛନ୍ତି। ସକାଳେ ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ଗଣମାଧ୍ୟମକୁ ନିଜର ବୟାନ ଦେଇଥିଲେ। ସେ କହିଥିଲେ ଯେ, ରାହୁଲ ଗାନ୍ଧୀ ଜଣେ ପାଗଳ ବ୍ୟକ୍ତି। ଆପଣ ତାଙ୍କ ବିଷୟରେ କାହିଁକି ପଚାରୁଛନ୍ତି ବୋଲି ସେ ପ୍ରଶ୍ନ କରିଛନ୍ତି। ଏହାସହ ସେ ଗୋଲଡେନ୍ ଭିସା ଅଭିଯୋଗର ଜବାବ ଦେଇଥିଲେ। ତେବେ ସେ ପୁରୀ ଗସ୍ତ ପରେ ପ୍ରଚାର ପାଇଁ କଲକାତା ଯିବେ ବୋଲି କହିଥିଲେ। ଆସାମରେ ବିଜେପିର ବିଜୟ ସୁନିଶ୍ଚିତ କରି ସେ କହିଥିଲେ ଆମେ ନିଶ୍ଚିତ ଭାବରେ ଆସାମରେ ସରକାର ଗଠନ କରିବୁ।
